sostingės žēmės kūlio riuogsau
augintė sāva mēdī baigiau vakar
vies makalou rodėnī žiuopsau
lauko kuol lītus išbėrs snaigiem
atminčē rēnko saulės bōčėnius
ka po šimtā mētū viel bodėnsious
pasėėlgso jūrās rītmečiū vāsaras
plėka lėngvōma īsimīliejosio bāsa
ėlgā sāpnā sapnoutė pasėruošiau
ėšsėronkiuojau lāimės nuotraukas
sosėvieriau ont smėlgas žemuogės
ė vėsus šėrdėis meilės dūžios
tėmst bāigas bōvės lāiks
būsėms dā su smērtim dēras
mėslės tėlst žvaigždīnā gėist
vėskas kas mōna ė aš trėnas
ka lėks vėina diva ka kriuoks ana
atsėbosio trumpām luokė šuokiou
būgna gārsou spakainē dainā
kol šėrdis divas viel jouksės
tīkē būso kūlio sārgo
senas mēdī šaknis sauguot
apkabėnės mīlimā ongėlā bāltā
sāva veidā nāujė lāukso
Komentarų nėra:
Rašyti komentarą